ఏపీలోని ఆంధ్రప్రదేశ్‌ గురుకుల విద్యాలయాల సంస్థ రాష్ట్రవ్యాప్తంగా ఉన్న గురుకుల పాఠశాలల్లో 5వ తరగతి ప్రవేశాల (5 th class admissions)కు సంబంధించి నోటిఫికేషన్‌ విడుదల చేస్తుంది. ఈ నోటిఫికేషన్‌ ద్వారా రాష్ట్రంలోని 36 సాధారణ, 12 మైనారిటీ గురుకులాలతోపాటు 2 రీజనల్‌ సెంటర్‌ ఆఫ్‌ ఎక్స్‌లెన్స్‌ (ఆర్‌సీఈ) – తాడికొండ, కొడిగెనహళ్లి బాలుర పాఠశాలల్లో అడ్మిషన్లు కల్పిస్తారు.
ప్రతి గురుకుల పాఠశాలలో 80 సీట్లు ఉన్నాయి. చిత్తూరు జిల్లాలోని పీలేరు పాఠశాల, కర్నూలు మైనారిటీ బాలుర పాఠశాలల్లో ఒక్కోదానిలో 40 సీట్లు మాత్రమే ఉన్నాయి. ఈ స్కూళ్లలో సీట్లకు ఆబ్జెక్టివ్ పద్ధతిలో ఎంట్రన్స్ టెస్టు నిర్వహించి అందులో సీటు సాధించిన విద్యార్థులను ఎంపిక చేస్తారు. పాత జిల్లాల ప్రకారం పాఠశాలలు కేటాయిస్తారు. ఇక్కడ ఆంగ్ల మాధ్యమంలో బోధన ఉంటుంది.
➤ అర్హత:
బాల బాలికలు వయస్సు 9-11 సంవత్సరాలు ఉండాలి సొంత జిల్లాలో ప్రభుత్వ/ప్రభుత్వ గుర్తింపు పొందిన గ్రామీణ పాఠశాలల్లో మూడు, నాలుగు తరగతులు చదివి ఉండాలి. రిజర్వుడు వర్గాలకు చెందిన విద్యార్థులు పట్టణాల్లో చదివినా అప్లయ్‌ చేసుకోవచ్చు. కుటుంబ వార్షికాదాయం రూ.1,00,000లకు మించకూడదు. లేదా తెల్ల రేషన్‌ కార్డు ఉండాలి. సైనికోద్యోగుల పిల్లలకు ఈ నియమం వర్తించదు.
☛ AP రాష్ట్ర ప్రభుత్వం యొక్క IV తరగతి రాష్ట్ర సిలబస్ ఆధారంగా తెలుగు, ఇంగ్లీష్, గణితం మరియు పర్యావరణ శాస్త్రం సబ్జెక్టులలో ప్రవేశ పరీక్ష జరుగుతుంది.
ప్రశ్నలు ఆబ్జెక్టివ్ టైప్ (మల్టిపుల్ చాయిస్ ప్రశ్నలు)లో ఉంటాయి మరియు ఇంగ్లీష్/తెలుగు/ఉర్దూ మీడియంలో ఉంటాయి. జిల్లాలోని ఎంపిక చేసిన కేంద్రాల్లో పరీక్ష నిర్వహిస్తారు.
విద్యార్థులు రాష్ట్రంలో తమ సౌలభ్యం మేరకు ఏదైనా ఒక కేంద్రాన్ని ఎంచుకోవచ్చు.
పూర్తి వివరాలు అధికారిక వెబ్‌సైట్‌లో చూడొచ్చు.
దరఖాస్తు ఫీజు: రూ.50
పూర్తి వివరాలకు వెబ్‌సైట్‌:
